طريقة من أحدي الأخوات
برنامج وهو كالتالي بس لازم تكونوا جادين وتضغطوا على انفسكم والنتيجه بتكون رائعه بإذن الله
اولا اقوم الصباح يعني تقريبا الساعه تسعه
وادور اذاعات انجليزيه واسمع بالهدفون عشان اركز ويكون معي ورقه وقلم اي كلمه مااعرفها اكتبها واترجمها على طول بالمترجم الالكتروني عشان اعرف معناها في الجمله وترسخ في بالي وأهم شى اسمع الاخبار لانها مليانه كلمات سياسيه واقتصاديه مانعرفها
في العصر اتابع اي برنامج على التلفزيون باللغه الانجليزيه وانا احب اتابع القناه السعوديه الثانيه
ويكون دفترك والمترجم معاك وسجلي اي كلمه جديدة ولوقدرت ترجميها بالانجليزي يكون افضل حتى يصير عندك عدة مرادفات للكلمه الوحده وانتبهي لاتابعي افلام اوتسمعي اغاني بحجة تعلم اللغه يقول تعالى "واتقوا الله ويعلمكم الله"يعني العلم مايجي الا بتقوى الله والابتعاد عن المحرمات.
ثالثا اشتري جريده انجليزيه زي عرب نيوز او سعودي جازيت وامسكي مقال وترجميه كلمه كلمه للنهايه واكتبي الكلمات الجديده في نفس الدفتر ومعانيها اخر اليوم حيكون عندك حصيله كبيره من الكلمات احفظيها وتدربي على كتابتها ونطقها وراجعيها بداية اليوم الثاني وكل ماتكررت معاك سواء بالسماع او القراءه بترسخ اكثر لانه اهم شي في اللغه الانجليزيه الكلمات كلما تعلمتي كلمات اكثر كلما اتقنت اللغه اكثر .......
والحمدلله الحين اتابع الاخبار الانجليزيه والبرامج وافهمها يعني احس فرق كبير وين كنا ووين صرنا ونسيت اقولكم تقدروا تنزلوا مقالات من موقع bbc
الاخباري وترجموها مره مفيد واللغه تحتاج ممارسه يعني لازم يوميا تقرأي اوتسمعيEnglish
أمس في 2:16 am من طرف freeman
